Ord l'anteriura chasa da scola a Curaglia en Val Medel dastga la vischnanca far ina chasa da pliras generaziuns. La Regenza ha approvà la revisiun parziala da la planisaziun locala che la vischnanca da Medel (Lucmagn) aveva concludì ils 28 da november 2019. La vischnanca po ussa midar il niz dal bajetg da scola; ella ha plans per tschintg abitaziuns che persunas u famiglias indigenas pudessan prender a fit.
Dapi il 2018 na vegn la chasa da scola amez il vitg da Curaglia betg pli duvrada. Scolaras e scolars primars da Medel van dapi lura a scola a Mustér.
Ord l'archiv
video
Onn per onn pli paucs – l’exempel da la Val Medel
Or da Cuntrasts dals 07.03.2019.
laschar ir. Durada: 24 minutas 16 Secundas.
RTR novitads 09:00