Dus frars che vegnan si da Basilea vegnan a quest curs per pudair perfecziunar la lingua da lur bab. Ma era a Basilea dettia avantatgs da discurrer ina lingua pauc derasada. Surtut sch’els vulan discurrer insatge privat saja quai in avantatg, dian Luis e Duri Pfister.
Las sfidas èn dentant grondas
Emprender rumantsch na va betg senza obstachels. Blers participants han il sentiment che scriver e leger saja pli grev che discurrer. Ma pudair discurrer la lingua cun indigens portia avantatgs ed uschia vegna creà ina colliaziun cun la cultura ed ils abitants, di in um oriund dal chantun Uri ch’ha cumprà avant paucs onns ina chasa a Castrisch.
La valur culturala dal rumantsch
Per blers scolars è il rumantsch dapli che be ina lingua. Igl è in access ad in mund che fin qua era esters. Ils participants apprezieschan la pussaivladad dad approfundar lur chapientscha da la cultura, da la regiun e da la cuminanza tras il curs da lingua. E las participantas ed ils participants èn motivads surtut perquai ch’els han finamiras. Tranter auter è quai da pudair discurrer cun ils vischins, ma era da pudair participar per exempel ad ina radunanza communala. Ma simpel è l’emprender rumantsch betg è il tenor da blers.
Novitads, eveniments ed istorgias localas. Tut tge che curra e passa en la Surselva chattais vus qua.
Or da l'archiv
Emprender rumantsch na va betg be cun in curs. In'autra varianta è da tadlar emissiuns da RTR. Uschia aveva l'American Jerome Capaul da San Francisco emprais la lingua.