Il parlament da la vischnanca da Breil ha acceptà il mardi saira unanimamain la participaziun da la vischnanca vi da l'auzament dal chapital d’aczias da las Pendicularas Breil Vuorz Andiast SA, quai en la summa dad 1 milliun francs. La decisiun finala prenda il suveran a la radunanza communala dals 25 da november 2022.
Plinavant ha il parlament concedì in credit d’investiziun da 300 000 francs a l’Associaziun da latgiras Breil ed in credit supplementar da 1,84 milliuns francs per la meglieraziun funsila a Vuorz. Sco nova presidenta dal cussegl da vischnanca per la proxima perioda d’uffizi è Mengia Risch da Vuorz vegnida elegida. Nov vicepresident daventa Gérard Carigiet da Breil e sco actuar è vegnì reelegì il chanzlist communal Curdin Cadonau.
