Siglir tar il cuntegn

Header

cuntegn

Surselva Danovamain recurs cunter hotel Acla da Fontauna

Encunter il project per il hotel Acla da Fontauna a Mustér èn vegnidas inoltradas trais protestas, quai ha la vischnanca da Mustér confermà sin dumonda da RTR.

Ina da las protestas ha la fundaziun «Helvetia Nostra» inoltrà. Quai ha tant la vischnanca sco era Vera Weber da la fundaziun confermà. Il motiv saja che la fundaziun n’haja fin uss betg pudì prender invista en il project e perquai sajan els quasi stads sfurzads da far ina protesta, ha ditg Vera Weber sin dumonda da RTR. Sch’il project correspundia alura a als leschas vertentas alura possian ins era retrair la protesta, ha ditg la manadra da la fundaziun.

Investiders han uss temp da reagir

Sco la vischnanca da ditg vegnian las protestas uss surdadas als investiders. Alura possian lez discutar cun ils requirents ed empruvar da chattar ina schliaziun u da trair il cas vinavant avant ina dretgira. Quant temp che quai basegna na possian ins actualmain betg dir. La vischnanca na quinta dentant betg ch’ì basegnia ina nova dumonda da construcziun, quai fissi sulet il cas sch’il project vegnia midà, ma quai na possian ins il mument anc betg dir, ha la vischnanca ditg sin dumonda.

RR novitads 06:00