Siglir tar il cuntegn

Header

audio
Analisa da Linus Livers
Or da Actualitad dals 27.09.2020.
laschar ir. Durada: 04:16 minutas.
cuntegn

Elecziuns Flem Memia blers quints averts en fatschentas da vischnanca

La surpraisa a Flem è gronda: Martin Hug vegn elegì en l'emprim scrutini sco president da Flem. Per Adrian Steiger, anteriur president, ina veritabla schleppa.

La surpraisa è gronda che Martin Hug vegn elegì en l'emprim scrutini cun in uschè bun resultat. El ha chapì da sa distanziar da l'Arena Alva e tuttina profità ch'el è stà ina persuna impurtanta en quella interpresa. Ussa stat Flem en ses focus e quai ha il suveran da Flem cartì ad el e da la vusch. La participaziun da 80% per elecziuns communalas è la segunda sensaziun.

Che Adrian Steiger fa il mender resultat è era ina pitschna surpraisa. El aveva simplamain memia blers quints averts en sias fatschentas da vischnanca. Dapi onns vegn fatg projects per il center da sport Prau la Selva e la colliaziun per l’Arena tectonica Sardona è era adina puspè vegnida adattada.

Nicola Fantini n'è betg vegnì elegì sco president, dentant en suprastanza. Quai èn bunas novas per ils promoturs dal center da sport Prau la Selva che survegn uschia in promotur en suprastanza.

Linus Livers

Linus Livers

Producent Surselva e Grischun Central

Personen-Box aufklappenPersonen-Box zuklappen

Linus Livers lavura per RTR sco correspundent da la Surselva. Dal biro a Glion anora maina el il team da redacturs da radio per la Surselva e per il Grischun Central.

RTR votaziuns

Artitgels legids il pli savens

Scrollar a sanestra Scrollar a dretga