Siglir tar il cuntegn

Header

Purtret da Martin Hug.
Legenda: Martin Hug ha lavurà 20 onns sco mainafatschenta tar l'Arena Alva - uss daventa el president communal da Flem. RTR
cuntegn

Elecziun Flem Martin Hug ha gudagnà la cursa per il presidi

Martin Hug ha gudagnà la cursa per il presidi cun 857 vuschs. Ulteriuras vuschs han survegnì Nicola Fantini cun 287 vuschs. Ina terrada sto magunar il president actual, Adrian Steiger, che ha survegnì cun 157 las pli paucas vuschs a Flem.

Las elecziuns e votaziuns ha carmalà blera glieud a las uras: La participaziun è stada tar 79,3%.

Surpigliar ensemen responsabladad

Martin Hug è pertschert che sia elecziun muntia ch'el haja ina clera incumbensa dal suveran, ma da vegnir elegì cun ina tala maioritad fetschia losch ed er plaschair.

El veglia uss surpigliar responsabladad e guardar che la vischnanca ed ina populaziun engaschada lavurian bain ensemen e vegnian perina.

Sco pli grond problem vesa el la communicaziun tranter vischnanca e populaziun. En l'avegnir vul el perquai infurmar dapli e savair l'opiniun da la populaziun per uschia betg stuair investir blera lavur e suenter na vegnian projects betg acceptads da la populaziun.

In schoc per Adrian Steiger

Il president actual da Flem, Adrian Steiger, è stà l'emprim mument sut schoc cura ch'el ha udì ch'el na saja betg reelegì. Surtut la gronda differenza da vuschs n'avess el betg spetgà:

Probabel saja era il sustegn da l'Arena Alva per Martin Hug stà in dals motivs per la gronda differenza da vuschs. Martin Hug è stà 20 onns mainafatschenta da l'Arena Alva, questa stad ha el dentant dà giu quest post. Avant las elecziuns era gist quest punct vegnì crititgà.

Plinavant ha Flem elegì er la suprastanza: Elegids èn Jürg Caprez cun 537 vuschs, Guido Casty cun 495 vuschs e Nicola Fantini cun 465 vuschs.

RTR actualitad 12:00

Artitgels legids il pli savens

Scrollar a sanestra Scrollar a dretga