Durant l’emna da project da la scola da Mustér visitan tut las scolaras ed ils scolars l’exposiziun dal luf e luf-tscherver en il center d’agricultura a Salaplaun. L’exposiziun è vegnida fatga cun il WWF e quai sin differents placats gronds.
La malaura ha fatg midar il program
Planisà era ch’in gruppa dals scolars dal stgalim superiur giaja la damaun baud ad observar selvaschina en la val Nalps. Ma la daratga da la notg passada n’ha betg lubì l’excursiun. Uschia èn tuts da la superiura communablamain en l’exposiziun.
Ils scolars da l’emprima e la terza superiura han mintg’in survegnì ina rolla – il luf, il pur, il chatschadur, il selvicultur, il turisticher ed il commember d’ina organisaziun d’ambient. Ed han lura discutà en gruppas sur da la tematica animals da rapina. La segunda superiura ha elavurà en gruppas placats cun il medem tema.
RR actualitad 11:00
