Igl è stà in di da stad cun temperaturas da stad, sonda a la festa d'atun. Sin ils stans da fiera che la vischnanca da Sagogn ha mess a disposiziun, han martgadantas e martgadants, abitantas ed abitants e tuttas persunas interessadas preschentà e vendì lur products: rauba da stgaina (caltschiel), vaschella da segund maun, termagls e gieus, liongias, pulpa e mel... in zichel dal tut han ins pudì guardar e cumprar.
La fiera n'è betg gronda, ma igl è idillic, tge che plascha a la glieud.
En la mitad da la via è sco mintg'onn la tenda da festa. Quest onn ha l'Uniun da musica Sagogn manà l'ustaria da festa. In pèr meters vinavant ha la Societad cooperativa pistrin Casut fatg pizzas e paun en il furn.
La fiera a Sagogn
-
Bild 1 von 15. A l'entrada da la Via Casut. Bildquelle: RTR.
-
Bild 2 von 15. En la sumbriva da la Via Casut. Bildquelle: RTR.
-
Bild 3 von 15. La tenda da festa en a mez la fiera. Bildquelle: RTR.
-
Bild 4 von 15. Las tibas sunan en plirs lieus pliras giadas. Bildquelle: RTR.
-
Bild 5 von 15. In lieu da senupada vi vart la fontauna da la Via Casut. Bildquelle: RTR.
-
Bild 6 von 15. La glieud durant la fiera a Sagogn. Bildquelle: RTR.
-
Bild 7 von 15. La sablunera per archeologas ed archeologs futurs. Bildquelle: RTR.
-
Bild 8 von 15. La vatta da zutger è sper las pizzas in success da vendita. Bildquelle: RTR.
-
Bild 9 von 15. Abitantas ed abitants da Sagogn vendan termagls sin lur stan. Bildquelle: RTR.
-
Bild 10 von 15. Stan da café e petta. Bildquelle: RTR.
-
Bild 11 von 15. Products or da l'agen iert da Medel. Bildquelle: RTR.
-
Bild 12 von 15. Insanua è in vendider da pedra preziusas. Bildquelle: RTR.
-
Bild 13 von 15. Tar il stan da paun e pizzas. Bildquelle: RTR.
-
Bild 14 von 15. En il pistrin vegn preparà pizzas... Bildquelle: RTR.
-
Bild 15 von 15. ... e silsuenter en il furn cun ellas. Bildquelle: RTR.
Suentermezdi da las trais è stà la stgargiada da l'Alp Sogn Martin da Sagogn. Il til da vatgas è vegnì tras la Via Fanaus giu en il vitg per suenter mussar sia splendur a la glieud ch'era per gronda part ella Via Vitg dado vida guardar ils animals ornads dal til.
Stgargiada d'alp
-
Bild 1 von 5. Las vatgas vegnan da la Via Fanaus giu. Bildquelle: RTR.
-
Bild 2 von 5. La testa dal til è arrivada en il vitg. Bildquelle: RTR.
-
Bild 3 von 5. Il til da vatgas en il vitg. Bildquelle: RTR.
-
Bild 4 von 5. Duas generaziuns durant il til. Bildquelle: RTR.
-
Bild 5 von 5. Las bleras vatgas èn passadas. Bildquelle: RTR.
Il program è alura ì vinavant cun musica da saut ed in concert da la musicista ANIKK da Sagogn.