Siglir tar il cuntegn

Header

audio
Parasgular sin aut livel: a Mustér èn il mument il final da la cuppa mundiala
Or da Sport ed actualitad dals 14.08.2021.
laschar ir. Durada: 04:16 minutas.
cuntegn

Final cuppa mundiala A Mustér sgolan puspè ils megliers parasguladers dal mund

Durant 10 dis è il final da la cuppa mundiala da parasgular a Mustér. L’aura ch’è decisiva per in tal event era fin uss optimala per sgular. Tuttina hai mintga di num valitar da nov la situaziun locala da l’aura per pudair definir la ruta.

La situaziun da l’aura vegn stimada mintga di exact, quai saja surtut impurtant per la segirtad da las radund 120 pilotas e pilots, di Marc Demont dal comité d’organisaziun. Ma tut tenor l’aura po la rutta definida ir sur pliras valladas. Uschia è la cursa partida la gievgia a Mustér, e la finala stada a fin suenter pliras uras a Tavau. Quai saja stà in eveniment ed haja plaschì a las pilotas ed als pilots, uschia Demont. Il venderdi fiss stà planisà da sgular da Mustér sur la Lumnezia ed enavos a Mustér. Ma ils responsabels han stuì interrumper la cursa, e la finala han curt suenter las dudesch tuts puspè giu dad atterrar a Mustér. Quai saja uschia che l’aura dicteschia l’entir event, di Marc Demont.

video
Parasgular ha tradiziun a Mustér
Or da Telesguard dals 20.08.2020.
laschar ir

Blera experientscha d'organisar

Il club «Surselva Flaighers» datti gia dapi ils onns 90. Els han organisà ils ultims onns regularmain campiunadis, surtut campiunadis svizzers. Era l’atgna cursa, il «Disentis Open», vegn organisà dapi 10 onns. Quai saja mintgamai ina gronda chaussa per l’uniun, e cun mintga nova sfida creschia l’experientscha per manar tras tals events, di Marc Demont. Il mument sajan radund 50 persunas voluntaras engaschadas sur quests 10 dis, surtut fans dals sgular, ma betg mo. Fin il mardi è l’occurrenza uffiziala, ma cunquai che l’aura avess da sa midar, pudess il final era gia esser a fin la dumengia – di Marc Demont, prenda ses satgados e va per far in sgol. Quai saja era impurtant da pudair giudair ina tala occurrenza.

RTR actualitad 17:00

Artitgels legids il pli savens

Scrollar a sanestra Scrollar a dretga