La vischnanca da Flem survegn glisch verda per l'ovra da chalur a distanza a «Prau Pulté». La Regenza ha approvà la revisiun parziala da la planisaziun locala che la vischnanca da Flem aveva concludì ils 18 da zercladur 2023.
Cun la nova ovra electrica da laina vegnan ils territoris da Flem Waldhaus Prau la Selva e Laax Murschetg en l'avegnir cuverts cun chalur a distanza. L'implant duai producir chalur sin basa da zinslas da lain che vegnan tant sco pussaivel producidas ord lain da la regiun. Per il manaschi da stad èsi plnavant previs in sistem da pumpa sin basa d'aua ed aria en cumbinaziun cun in grond implant solar. Per realisar l'implant da chalur a distanza e per al colliar cun il traffic èsi necessari da runcar ina surfatscha da 2'662 meters quadrat.