Siglir tar il cuntegn

Header

Ustaria Foppa a Flem
Legenda: Ustaria Foppa MAD
cuntegn

Flem La vischnanca politica vul cumprar l'ustaria Foppa

L’ustaria a Foppa era vegnida bajegiada l'onn 1962 dal club da skis da Flem. Dapi il 1993 maina ina societad l’ustaria. Ussa è quella vegnida veglia e sto vegnir sanada.

Salvar per la publicitad

Per impedir che l’ustaria vegnia en mauns privats vul la vischnanca cumprar e sanar quella per total 4 milliuns francs. La vischnanca burgaisa da Flem ch'aveva da lezzas uras dà il dretg da bajegiar al club da skis per l’ustaria vul sa participar cun 1 milliun vid la cumpra .

audio
Per tadlar curt e cumpact
ord RTR Audio dals 29.03.2022.
laschar ir. Durada: 1 minuta 24 Secundas.

Territori da recreaziun

Ulteriurs 1,5 milliuns vul la vischnanca da Flem investir en l'infrastructura per auzar l'attractivitad dal territori Foppa – Spalegna. Quai cunzunt cun indrizs d'ennavar las pistas e meds da segirar las vias da bike e da trottinets la stad.

Ils 15 da matg po la populaziun da Flem decider en ina votaziun al l’urna, schebain ella vul sustegnair la proposta da la suprastanza communala.

Nova senda da bike

Per remplazzar la ruta da bike che maina il mument davent da Naraus envers Flem e che croda cura che la sutgera Foppa Naraus vegn spazzada, ha la radunanza approvà ina nova lingia. Quella maina da la tegia da Segnas sur Punt Desch en la ruta existenta dal Runcatrail per arrivar a Flem. Il credit da 310’000 francs è vegnì approvà unanimamain.

RTR novitads 06:00

Artitgels legids il pli savens

Scrollar a sanestra Scrollar a dretga