Dapi la sonda avant Nadal è il FlemXpress en funcziun. E l’interpresa ha quintà d’avair l’emprim ina u l’autra difficultad, quellas èn dentant per part pli grondas che spetgà. Uschia vegn la staziun Foppa giavischada pli fitg che quintà, e quai maina a colonnas. Perquai na va l’indriz betg cun la spertadad maximala.
E giasts che n’enconuschan betg il territori hajan problems da s’orientar, e da spetgar tar il dretg isch. Perquai dovria dapli instrucziuns tras il persunal, ha l'Arena Alva ditg.
Era cun far adattaziuns ston ils giasts vinavant quintar cun interrupziuns. Ils responsabels da la Arena Alva sa stgisan tar ils giasts per ils temps da spetga, il nov sistem dovria anc ulteriuras adattaziuns.
Il Telesguard ha rapportà:
video
Culp da partenza per il FlemXpress
Or da Telesguard dals 22.12.2023.
laschar ir. Durada: 1 minuta 17 Secundas.
