Siglir tar il cuntegn

Header

Las tastgas pinadas en la claustra a Mustér n'èn betg stadas tschertgadas.
Legenda: Las tastgas pinadas en la claustra a Mustér n'èn betg stadas tschertgadas. RTR, Gionduri Maissen
cuntegn

Food scarnuz Acziun è stada in success – ma betg dapertut

La Pro Junior Grischun ha lantschà communablamain cun il club Rotary Cuira/Signuradi in' acziun d’agid svelt per persunas en miseria. Uschia han els repartì tastgas cun mangiativas en plirs lieus en il chantun. En tut è l'acziun stada in success, ma en las valladas sco en Surselva pli pauc.

La situaziun saja ina autra en las valladas, di Sandro-Simon Caviezel il maninafatschenta da la Pro Junior Grischun. Uschia hajan els spetgà ch’il resun na saja betg il medem en las valladas.

audio
«Food Scarnuz»: Betg dapertut in success
02:48 min, Actualitad dals 01.04.2021.
laschar ir. Durada: 02:48 minutas.

En la Surselva na saja quai betg propi sa cumprovà e las tastgas na sajan betg stadas tschercadas, surtut a Trun e Mustér. A Vella saja la situaziun sa meglierada suenter in mument. Ma las tastgas che na sajan betg vegnidas surdadas hajan era chattà la via en buns mauns, sincerescha Sandro-Simon Caviezel.

Acziun d’agid na vegn betg pli prolungada

En las regiuns pli urbanas è la purschida fruntada sin grond interess. Uschia saja l’acziun era vegnida prolungada per trais emnas. Ma pli ditg na veglian e possian els betg porscher in tal agid direct. Quai saja stà ina acziun limitada e svelta ed uss sajan autras instanzas responsablas per l’agid. Tuttina possian famiglias en miserias finanzialas u era autras sa drizzar adina tar la Pro Junior Grischun, di Sandro-Simon Caviezel.

RTR actualitad 12:00

Artitgels legids il pli savens

Scrollar a sanestra Scrollar a dretga