Siglir tar il cuntegn

Header

cuntegn

Fundaziun dal clima Svizra 1,7 milliuns francs per projects – in è Novaziun

La Fundaziun dal clima Svizra reparta 1,7 milliuns francs per 11 projects da proteger il clima en Svizra. Quai è la segunda runda da sustegn da quest onn, scriva la fundaziun. Ensemen cun l'emprima runda da la primavaira reparta la Fundaziun 2,4 milliuns francs a 17 projects.

Sustegn survegn tranter auter er il «Monotrac», in motor da segar electric, da la firma sursilvana Novaziun. Il «Monotrac» è construì per lavurs en l'agricultura e da manaschi communal. El haja paucas vibraziuns e na produceschia naginas emissiuns nuschaivlas. En pli possia l'apparat multifuncziunal era vegnir utilisà sco accumulatur per energia fotovoltaica u per proveder lieus lontans cun forza electrica, scriva la fundaziun.

Monotrac, Novaziun Rueun
Legenda: Daniel Vincenz, Novaziun AG

Or da l'archiv:

RTR novitads 09:00

Artitgels legids il pli savens