Il 2022 ha l'Agid svizzer per la muntogna sustegnì 60 projects en il Grischun, cun en tut 2,8 milliuns francs. Quai scriva la fundaziun en ses rapport annual.
In da quels projects è «Novaziun», da la Val Lumnezia. Gian Caduff ha sviluppà in set per transfurmar maschinas da segar pitschnas u fresas da naiv cun motor da benzin en apparats electrics. L'agid da muntogna ha sustegnì tar la producziun dal product final. Era l'indriz da biogas a Salouf che producescha electricitad per 400 chasadas è vegnì realisà cun agid da la fundaziun.
En tut la Svizra han 474 projects pudì profitar da sustegn da total 26,4 milliuns francs. L'agid svizzer per la muntogna datti dapi il 1953. La fundaziun vegn finanziada sulettamain cun donaziuns. L'onn passà ha ella survegnì 38,3 milliuns.
