La radunanza communala da Tujetsch ha decis unanimamain da conceder ina garanzia da deficit annuala da radund 100'000 francs a la Residenza Dulezi.
En pli ha ella approvà d’adattar la lescha da la vischnanca davart sustegniments finanzials per interpresas ch’èn pertutgadas da las prescripziuns relaschadas en connex cun il coronavirus.
Plinavant ha la radunanza communala er approvà da visar ils contracts da sajettar en la Val Maighels cun la «RMW Schweiz AG» e l'armada.
