Per Valentin Cathomas che tgira dapi 13 onns il glatscher dal Vorab fa quai mal da vesair co ch'il glatscher è sin murir. Valentin Cathomas è mintga di sin il Vorab. El controllescha la taila da vlies che protegia il glatscher cunter il sulegl. Sche quella è stgarpada, lura cusa el puspè ensemen las rusnas. La taila ha ina surfatscha da 20'000 meters quadrats. Quai èn rodund quatter plazzas da ballape. Cunquai che Valentin Cathomas vegn mintga di sin il Vorab enconuscha el quel uschè bain sco il satg da sias chautschas.
Gea, quai fa fitg mal – ins vesa mintg’emna u bunamain mintga di ina differenza con fitg ch’i lieua.»
-
Bild 1 von 4. Di per di fa Valentin Cathomas controllas sin il glatscher. Bildquelle: RTR, Daniel Berther.
-
Bild 2 von 4. La digren è dal glatsch è visibla. Bildquelle: RTR, Daniel Berther.
-
Bild 3 von 4. Bildquelle: RTR, Daniel Berther.
-
Bild 4 von 4. La cozza da glatsch daventa adina pli fina. Bildquelle: RTR, Daniel Berther.
Sut il glatscher maina l'aual uschè blera aua sco anc mai. Normalmain vegn durant la notg pauca ni nagin’aua. Uss lieua quai er sur notg ed i vegn adina aua, uschia l'um ch'è creschì si a Laax. Quant ditg ch'il glatscher exista anc saja grev da dir. Sche quai giaja vinavant uschia, lura saja el en paucs onns svanì.