Siglir tar il cuntegn

Header

Navigaziun

dus chanuns da naiv sin il parcadi da las pendicularas Sursaissa/Mundaun a Misanenga.
Legenda: Chanuns da naiv a Misanenga. RTR, Linus Livers
cuntegn

Infrastructura turistica Infra Mundaun è fundada

Las vischnancas Lumnezia e Sursaissa Mundaun e las pendicularas Sursaissa/Mundaun SA èn las purtadras da la nova societad.

Tut ha entschet cun il masterplan Mundaun

Josef Brunner il manader da las pendicularas da Sursaissa/Mundaun è il president e Duri Blumenthal, il president da la vischnanca Lumnezia è il vicepresident da quella nova societad. La societad ha in chapital da 400’000 francs.

Il masterplan enturn il Mundaun è sta la partenza per fundar la Infra Mundaun SA. Quai master plan ha dentant fatg naufragi l’emprima giada cura che la vischnanca da Glion ha refusà el il november 2017.

Er Sursaissa Mundaun n'ha l'entschatta betg vulì

La via d'obstachels ha cuntinuà. Ina versiun pli satiglia, nua che mo la Lumnezia, Sursaissa Mundaun e las pendicularas fissan stadas da la partida ha la vischnanca da Sursaissa Mundaun betg approvà. Uschia era mo la Lumnezia cun las pendicularas da la partida. In onn pli tard ha la vischnanca da Sursaissa Mundaun tuttina ditg gea a quella fatschenta. Sin fundament da quella decisiun è uss la Infra Mundaun SA vegnida fundada.

RR novitads 17:00