Siglir tar il cuntegn

Header

audio
Milliardari talian investescha a Trun
Or da Actualitad dals 18.08.2021.
laschar ir. Durada: 03:02 minutas.
cuntegn

Investider a Trun A Trun investescha in milliardari talian

A Trun ha l’investider Luca Padulli cumprà tras l’interpresa Romito SA las chasas Carigiet e Desax. L’uniun Trun Cultura ha survegnì las chasas en dretg da bajegiar per 99 onns.

Per l’uniun Trun Cultura saja quai sco in da sis el lotto, ha ditg l’actuara da l’uniun Lisa Schmidt-Candinas. Uschia haja l’uniun uss maun liber da realisar ils plans da posiziunar trais objects per l’art a Trun. Il spazi Spescha che vegn realisà en l’anteriura fabrica da ponn a Trun, saja era sin buna via e las emprimas ovras da Matias Spescha vegnian gia a cuntanscher Trun quest atun, di Lisa Schmidt-Candinas. Uss sajan ins propi in pass enavant en l’entir project.

Rimnar ulteriurs daners per la renovaziun

Cun la cumpra da las chasas Carigiet e Desax saja uss la basa dada per ch’il project prospereschia. La chasa Carigiet ch’era gia els mauns da l’uniun ha quella pudì vender a Luca Padulli. Quella chasa era vegnida acquistada avant in onn tras l’uniun, cun agid d’in credit da banca che stueva dentant vegnir pajà enavos entaifer in onn. Cun la cumpra hajan ins pudì pajar quai credit e saja tuttina en possess da la chasa, quai che saja ideal. La chasa Desax ha l’investider cumprà da la possessura. Là devia quai era auters interessents, ma cun l’agir svelt da l’uniun saja quai reussì d'evitar la vendita en auters mauns. Il concept da realisabladad haja persvas l'investider talian Luca Padulli, uschia ch’el haja entaifer paucs dis laschà savair da gist cumprar las chasas e metter a disposiziun ellas a l’uniun, ils emprims trais onns gratuitamain, suenter per in tschains modest. La finamira actuala saja da rimnar ils daners per pudair renovar las chasas istoricas.

RTR novitads 06:00

Artitgels legids il pli savens

Scrollar a sanestra Scrollar a dretga