A Laax na datti nagina lingia d'auta tensiun pli. Ils proxims dis vegnan las ultimas pitgas allontanadas. La regiun vegn da nov provedida cun electricitad cumplettamain sut terra, quai communitgescha il concern d'energia Repower.
audio
Laax: Ropower allontanescha davosas pitgas d'electricitad
ord Actualitad dals 12.04.2024.
Maletg: RTR
laschar ir. Durada: 2 minutas 29 Secundas.
Tut en tut saja vegnì bajegià giu 3,6 kilometers lingias cun 20 masts, 270 tonnas betun e 78 tonnas atschal ed aluminium. La lingia da 60 kilovolts manava da Prau Petschen fin Staderas.
Ils cabels sut terra s'extendan sur 5,8 kilometers e mainan enturn il vitg. Tenor la Repower è il spustament bun per la segirezza dal provediment cunquai che las lingias sajan pli resistentas envers cundiziuns da l'aura extremas.
