L'idea per ina chascharia a Laax cumpara puspè, 20 onns suenter in emprim project. Da lezzas uras aveva il chantun refusà da sustegnair ils plans per ina chascharia regiunala. La chascharia gronda a Landquart haja anc capacitads, avevi gì num e la chascharia regiunala a Laax avess prendì davent memia bler quantitads da la chascharia gronda da Landquart. Per quater milliuns francs era l'onn 2001 planisà da realisar quest implant. Cunquai han ins vulì rinforzar la convivenza tranter il turissem e l'agricultura.
Uss ha il suprastant communal da lez temp, Franz Gschwend, reactivà il project, sco el ha confermà envers l'agentura da novitads FMR. Emprims discurs haja dà. Il motiv principal saja da reducir ils transports da latg, e d'augmentar la creaziun da valur.
