Siglir tar il cuntegn

Header

Visualisaziun Lai Salischinas.
Legenda: Visualisaziun Lai Salischinas. MAD
cuntegn

Lag Salischinas L'uniun surdat emprimas lavurs per il preproject

L'Uniun Lag Salischinas ha surdà las lavurs per elavurar la realisabladad e la planisaziun. Per ils fatgs da la realisabladad tecnica dal project èn il biro Ecowert da Cuira ensemen cun il biro d’inschigner Eichenberger Revital medemamain da Cuira responsabels. A l’interpresa Remund e Kuster da Maiavilla ha l'uniun surdà la lavur concernent la planisaziun dal territori. Era involvì en questa lavur è il biro d’inschigner Cavigelli da Glion. La projectaziun e coordinaziun da tut las lavurs cun ils involvids surpiglia la Quant SA da Flem. En pli è il biro spezialisà Quant SA responsabel per la tschertga d’investurs e da gestiunaris.

Chantun e Confederaziun participeschan als custs

Per il preproject aveva la vischnanca da Sumvitg concedì in credit da 250'000 francs. En il rom da la nova politica regiunala surpiglian il chantun e la Confederaziun ina cumpart da 131'000 francs da questa summa.

Video
Stad 2016: Ils da Sumvitg fan plans per in nov lai
Or da sil punct dals 18.07.2016.
laschar ir

Uniun Lag Salischinas

Personen-Box aufklappenPersonen-Box zuklappen

L’Uniun Lag Salischinas è vegnida fundada l'onn 2017 e dumbra actualmain circa 850 commembers. L’uniun vul realisar l’idea Salischinas ch’exista gia dapi il 1997.

L'intent da l’uniun è da promover e sustegnair il project Salischinas. Quel cumpiglia in lai natiral da far bogn, in lai da pestgar ed in lai per la tratga da peschs en il territori da Salischinas da la vischnanca da Sumvitg.

RTR novitads 15:00

Dapli da Surselvaavrir la Landingpage

Nach links scrollen Nach rechts scrollen