Siglir tar il cuntegn

Header

audio
Las bovas dal 2002 a Rueun
Or da Actualitad dals 30.06.2020.
laschar ir. Durada: 03:30 minutas.
cuntegn

Las bovas a Rueun Ils rempars e las regurdientschas restan

Ils 16 da november 2002 è in di che resta a blers da Rueun en memoria. Ferma plievgia aveva chaschunà pliras bovas en la Surselva. Igl aveva pluvì da la gievgia enfin la sonda – en tut bun 400 liters per meter quadrat. En tschintg vischnancas da la Surselva avevi dà fitg grevs donns. Bovas avevi dà a Trun, Schlans, Pigniu, Tersnaus ed a Rueun. Tranter auter eran duas punts vegnidas devastadas ed ils trajects da la Viafier Retica eran vegnì inundads. Morts n'avevi per cletg betg dà.

video
Las bovas dal 2002
Or da Nouvo RTR dals 15.11.2017.
laschar ir

Las bovas da la ual da Valdun

A Rueun eran gist duas bovas vegnidas giuadora quest di. L'emprima da mezdi e la segunda enturn las 4 il suentermezdi. Tschertas chasas avevan stuì vegnir evacuadas – en tut eran 70 persunas pertutgadas. Il quartier da s. Clau era vegnì curclà da la bova. Oz è Rueun protegì cun rempars da 300 meters lunghezza e bun 10 meters autezza. Ils rempars èn marcants per il maletg da Rueun e regordan anc oz vid la catastrofa da natira.

video
Inundaziuns a Rueun il 2002
Or da L’archivar recumonda dals 14.04.2016.
laschar ir

3 anghels pertgiraders

Suenter che l'emprima bova era vegnida avevan ins entschet a rumir cun excavaturs per ch'ì na dettia betg inundaziuns. Lura è dentant ina segunda bova pli gronda e pli ferma vegnida. Per trais dals maschinist era l'alarm vegnì memia tard e la bova aveva serrà els en lur maschinas. In dad els era Paulo Marques Rodrigues che nus avain visità avant 3 onns:

video
Ord l'archiv: 15 onns suenter bova da Rueun
Or da RTR Social dals 30.06.2020.
laschar ir

RTR actualitad 11:00

Artitgels legids il pli savens

Scrollar a sanestra Scrollar a dretga