Siglir tar il cuntegn

Header

Ins vesa Degen il lieu da producziun per gieu el liber 2021
Legenda: Degen - il lieu da producziun per gieu el liber 2021 MAD
cuntegn

«Las Valerusas» Discussiuns e segns da dumonda enturn «Las Valerusas»

Il spectacul «Las Valerusas» è planisà per l'onn 2021. Il gieu en il liber custa 1.35 milliuns francs. La contribuziun che la vischnanca vul pajar, chaschuna discussiuns tar la populaziun.

La legenda da las valerusas è anc adina preschenta als Lumnezians: En la guerra da Belmont l'onn 1352 sajan las dunnas Lumnezianas sa dustadas cun success cunter in'attatga dals inimis sper la Porta da Porclas. Per questa prestaziun han ellas survegnì il num «Las Valerusas». Sut quest titel duai vegnir inscenà l'onn 2021 in gieu en il liber a Degen.

1,35 milliuns francs custa il gieu el liber

Il manader da quest project è Roman Weisshaupt. Il cuntegn dal toc n'è anc betg enconuschent. L'inscenaziun duai vegnir fatga a Degen. La vischnanca Lumnezia vul sa participar cun 200'000 francs al project. Quella summa sto dentant anc vegnir approvada quest venderdi saira da la radunanza communala.

RR actualitad 17:00