La radunanza communala da la vischnanca da Lumnezia ha concedì in credit da 200'000 francs a l’uniun ch’organisescha il gieu en il liber «Las Valerusas». Quai cun ina gronda maioritad. 47 persunas han ditg gea al credit, otg han refusà el, quatter persunas èn s'abstegnidas da la vusch.
En quel credit èn inclus ils 25'000 francs per il preproject. Betg inclus èn las atgnas prestaziuns da la vischnanca, sco il diever gratuit da l'infrastructura da la vischnanca.
Il manader da quest project è Roman Weisshaupt. Il cuntegn dal toc n'è anc betg enconuschent. L'inscenaziun duai vegnir fatga il 2021 a Degen. L’entir project custa 1,3 milliuns francs.
