La Posta Svizra adattescha sia purschida en Val Lumnezia. Probabel a partir dals 22 da november porscha la posta ses servetschs a Vella en la butia dal vitg e remplazza uschia la filiala existenta. Quai scriva la Posta.
A Vignogn introducescha ella a partir dals 2 da november il servetsch da chasa. Pajaments pon vegnir fatgs a partir da lura tar la postina u il postin davant l'isch-chasa.
La Posta Svizra collavura gia en passa 1’200 lieus en l’entira Svizra cun partenaris locals. Er a Vrin funcziuna la purschida gia en collavuraziun cun la stizun dal Volg.
Il 2017 aveva il Telesguard mussà la stizun a Vella:
video
Nova stiziun da Volg a Vella – pli gronda e pli bella
Or da Telesguard dals 28.11.2017.
laschar ir