Siglir tar il cuntegn
Inhalt

Surselva Malgrà la naiv – pli che 8'000 visitaders ad EX18 a Mustèr

Suenter ina sonda difficila pervi da las navaglias èn las frequenzas creschidas la dumengia puspe.

Naiv a Mustér.
Legenda: L'emprima naiv si Mustér ha er gi consequenzas per La EX18. RTR, Linus Livers

Il venderdi, ad in di da bell'aura è la EX18 vegnida averta cun il forum Surselva sco program accumpagnant. Il forum ha carmalà blera glieud che ha la finala er visità la EX18.

Er la sonda è stada frequentada bain. La naiv ha dentant fatg in stritg atras il quint dals organisaturs. Ils parcadis sin ils prads gest sper il center da sport e cultura han betg savì vegnir duvrads. Persuenter han ils organisaturs laschà cursar bus che transportavan la glieud davent dals parcadis giu en il vitg si en il center.

La dumengia èn las frequenzas creschidas dapi quel mument che las vias eran puspè stadas senza naiv. Quai era dentant memia tard per cuntanscher il livel d'auters onns nua che la Ex aveva mintgamai varga 10'000 visitaders.

RR novitads 06:00