Siglir tar il cuntegn

Header

cuntegn

Midada da strategia Sedrun Mustér Turissem betg pli sut il tetg da Grischun Vacanzas

Sedrun Mustér Turissem vul midar sia strategia da marketing: Quai in dals motivs che Corinne Staub ha demissiunà. Ils daners da marketing na van en l’avegnir betg pli a Grischun Vacanzas, mabain ad Andermatt Sedrun Mustér Marketing SA.

Questa strategia persequiteschian els entaifer la suprastanza, ha il vicepresident da Sedrun Mustér Turissem Silvio Schmid ditg ad RTR. Els stoppian liar las resursas per dumagnar pli blers giasts en la regiun. El saja persvadì ch’i fiss bun sch’ils passa 500’000 francs che van fin uss a Grischun Vacanzas per il marketing giessan tar la Andermatt Sedrun Mustér Marketing. Quels sajan pli datiers da la regiun e da las fatschentas e vendessan quai almain uschè bain – sche na betg meglier – che Grischun Vacanzas, di Silvio Schmid.

audio
Grischun Vacanzas na duai betg pli survegnir il daners da marketing
ord Actualitad dals 03.05.2019.
laschar ir. Durada: 2 minutas 30 Secundas.

Grischun Vacanzas na sa anc nagut

Il schef da Grischun Vacanzas Martin Vincenz ha ditg ad RTR ch’els na sappia uffizialmain anc nagut da quai. Sco partenaris che lavurian fin uss fitg bain ensemen veglian els discutar sur da quai cura ch’els sappian insatge.

Corinne Staub betg cuntanschibla

Gievgia è vegnì enconuschent che Corinne Staub banduna Sedrun Mustér Turissem per immediat. RTR ha empruvà da contactar ella, dentant senza success.

RR novitads 12:00

Artitgels legids il pli savens