Siglir tar il cuntegn

Header

audio
Chadaina da fortuna: Il plevon da Sumvitg Saji Velavoor fa quitads per l'India
Or da Actualitad dals 04.06.2021.
laschar ir. Durada: 02:53 minutas.
cuntegn

Mintga di 25'000 novs cas Plevon da Sumvitg fa quitads pervi da la pandemia en l’India

La pandemia da Covid-19 ha tutgà fermamain l’India. Il plevon Saji Velavoor ch'è oriund da l'India enconuscha la situaziun. Actualmain rimna la Chadaina da fortuna per quest ed auters pajais che pateschan.

Il plevon da Sumvitg, sur Saji Velavoor, è naschì e creschì si en il stadi federal da Kerala en il sid da l’India, ina regiun cun ca. 35 milliuns abitants. Ils blers da ses fragliuns vivan anc là. La situaziun saja difficila cun corona, ils gronds ospitals sajan plains. Il plevon da la plaiv da Sumvitg discurra da 25’000 novs cas mintga di e 180 fin 190 morts. Ma per cletg n'haja la pandemia betg chaschunà unfrendas tar ses fragliuns. Ina sora e ses quinà hajan gì il virus avant quindesch dis. Els sajan uss puspè en gamba.

Bleras mungias e spirituals giuvens èn morts

La sora giuvna, sia sora schumellina, è mungia en il nord da l’India. Là saja quai mender, perquai ch’i dettia blera glieud paupra che n'haja betg agid medicinal. E sur Saji raquinta da l’uvestg, nua che sia sora lavura. Quel haja in’ovra caritativa e durant sia lavur haja il virus tutgà el, ed uss saja el en l’ospital sin la staziun intensiva. Il plevon da Sumvitg enconuscha era blers spirituals giuvens che sajan morts.

RTR actualitad 12:00

Artitgels legids il pli savens

Scrollar a sanestra Scrollar a dretga