Tar l'occurenza #MultitalentGuaud han ins pudì emprender dapli sur dals talents multifars dal guaud. L’Uffizi chantunal da guaud e privels da la natira ha organisa l'occurenza communablamain cun l’uniun dals possessurs da guaud «La Selva», «l’Associaziun Guaud Grischun», la fundaziun «Uaul da Muntogna» e l’Uffizi da chatscha e pestga. L’aura era ideala e bleras famiglias cun uffants pitschens han chattà la via a Glion.
Organisà era ina runda tar differents stans, nua ch’ins pudeva emprender, sentir e vesair las differentas fassettas dal guaud, ha declerà il parsura da l'Uffizi dal guaud e privels da la natira Urban Maissen.
-
Bild 1 von 8. Ils bulieus che creschan en il guaud. Bildquelle: RTR, Gionduri Maissen .
-
Bild 2 von 8. Co il guaud gida a frenar lavinas è vegnì demonstrà cun in model. Bildquelle: RTR, Gionduri Maissen .
-
Bild 3 von 8. L'exactadad d'ordinar laina è vegnida demonstrada. Bildquelle: RTR, Gionduri Maissen .
-
Bild 4 von 8. Il chavriel exponì. Bildquelle: RTR, Gionduri Maissen .
-
Bild 5 von 8. In dals objects d'art ch'ins po far or da lain. Bildquelle: RTR, Gionduri Maissen .
-
Bild 6 von 8. Da mezdi era il plaz en la tenda scarts. Bildquelle: RTR, Gionduri Maissen .
-
Bild 7 von 8. Ils animals preschentads dal Uffizi da chatscha, communabel cun l'Uniun chantunala dals chatschaders da patenta. Bildquelle: RTR, Gionduri Maissen .
-
Bild 8 von 8. Sajettar cun balester, ina da las attracziuns per giuven e vegl. Bildquelle: RTR, Gionduri Maissen .
La varietad dals temas è gronda
L’idea saja da mussar a la populaziun l’impurtanza dal guaud, per exempel sco guaud da protecziun, ma era da mussar l’entira chadaina da lain, declera Urban Maissen. La populaziun grischuna saja dentant era bain infurmada da la funcziun dal guaud ed a la populaziun appartegnia era per gronda part il guaud en il chantun. Tuttina saja grev da chapir las dimensiuns, per exempel, da la regiuvinaziun dal guaud, pertge ina tala regiuvinaziun succedia sur pliras generaziuns e talas correlaziuns saja l’idea da mussar. Era saja impurtant d’adina puspè gudagnar ils uffants per il guaud, e quai saja gartegià fitg bain, accentuescha Urban Maissen. L’occurrenza a Glion è la quarta en quella furma, sco proxim vegn anc organisà in'occurrenza en il Puschlav l’onn che vegn.