Planisà era quai oriundamain da manar a tras il musical Frisal – Frisal la primavaira 2020, ma la pandemia ha alura franà ils plans. Suenter ditg spetgar, ha la fin d’emna gì lieu las emprimas producziuns en chasa da scola a Danis-Tavanasa. E la halla da gimnastica era omaduas giadas emplenida fin a l’ultima sutga. Ad il public ha il musical plaschì fitg bain, tuts parevan cuntents da puspè pudair giudair ina producziun culturala, era en in vitg pli pitschen.
Chant, musica, saut e teater
Da mirar datti bler tar il musical Frisal – Frisal. La cumposiziun d’Armin Caduff e l’inscenaziun da Flurin Caduff, laschan marschar la tribuna. La musica tschiffa dal cumenzament il public e pli tard ils uffants, cura che gliez vegnan sin tribuna, els giogan las chauras, alura èn tuts egls drizzads sin l’acziun. L’engaschi e la perfecziun da l’inscenaziun laschan sumegliar curt e persvada. La tematica da turissem, vita dal vitg e malauras, ed era las passaschas realas en il toc fascineschan il public.
Il musical è anc da vesair pliras giadas las proximas duas emnas.
