Siglir tar il cuntegn

Header

audio
Mustér: Chasa da parcar per las pendicularas
Or da Actualitad dals 12.11.2021.
abspielen. Laufzeit 2 minutas 13 Sekunden.
cuntegn

Mustér Chasa da parcar per las pendicularas

La vischnanca da Mustér ha publitgà la dumonda da bajegiar per la chasa da parcar da las pendicularas. Quella vegn sper il ressort Catrina visavi da la staziun da val.

Radund 450 parcadis sin trais auzadas 

La chasa da parcar consista da trais auzadas senza tetg. Plinavant duessi era dar ina passarella per peduns fin a la staziun da val da las pendicularas. La chasa da parcar ha ca. 450 parcadis e custa 6.5 milliuns francs. Previs èsi da far l’emprima badigliada l’auter onn ils 14 da mars, e sin la stagiun d’enviern pudess almain ina da las trais auzadas esser finida, sco il directur da las pendicularas da Mustér Stefan Arnold di.

 

Adattà project a la cuntrada

Ils emprims plans per ina chasa da parcar hai gia dà il 2018. E l’emprima dumonda da bajegiar era vegnida inoltrada a la vischnanca avant dus onns. Ma lura avevi dà protestas, e la finala ha era Marcus Weber, l’acziunari principal e president dal cussegl d’administraziun da las pendicularas, franà il project, perquai ch’el n'era betg cuntent cun la suprastanza communala.

Pervia da las protestas hajan els midà il project, di Stefan Arnold. Uss saja el adattà a la cuntrada ed i na dettia nagin in tetg. Ed era la collavuraziun cun las autoritads communalas saja puspè buna.

RTR actualitad 11:00

Artitgels legids il pli savens

Scrollar a sanestra Scrollar a dretga