Pervia dal coronavirus ha la claustra decidì da festivar Sogn Placi en furma reducida, senza chor, parada e processiun.
Ma è quai insumma Sogn Placi?
Malgrà il virus han passa tschient persunas prendì part al servetsch divin festiv en la baselgia da Sogn Martin. Celebrà la messa pontificala ha l’uvestg auxiliar da Losanna, Genevra e Friburg Alain de Raemy ensemen cun l’avat da la claustra da Mustér, Vigeli Monn. Enstagl dal chor da scolaras e scolars dal gimnasi da la claustra han ils paders chantà in choral gregorian.
En ses pled da bainvegni è l'avat sa dumandà, sche quai saja insumma Sogn Placi.
Nus avain betg chantà la chanzun da Sogn Placi, i manca la parada ed il grond pievel.
Mo tuttina han las persunas ch'èn stadas a messa gì plaschair da la festa. I saja stà bel e festiv e surtut era – en questa furma - per spiert ed olma.
Igl è stà bellezza en questa baselgia clera, in bellezza predi e fitg devozius.
Part da la festa ha era il president da la Partida cristiandemocrata svizra, Gerhard Pfister, fatg.
Igl è impurtant ch’ins ha pudì festivar l’emprim Sogn Placi en la baselgia renovada.
2021 vegn questa gronda festa alura celebrada puspè ils 11 da fanadur.