L'ediziun da giubileum da l'Indoor Festival a Mustér ha carmalà radund 900 persunas il venderdi e la sonda saira. L'atmosfera, l'organisaziun e la musica en il Center Fontauna hajan persvadì, ha ditg il president dal comité d'organisaziun Florian Zanin a la FMR. Las bands hajan dà concerts fantastics. Radund la mesadad dals visitaders e visitadras sajan stads giuvenils da 16 fin 25 onns, ils auters pli vegls.
Nus avain pudì beneventar blers osps da pli baud. L'Indoor Festival è stà ina chaschun da puspè sa sentir giuvens.
Trumpads èn ils organisaturs dentant dal resun. Els avevan spetgà dapli glieud. Els na possian betg sa declerar pertge che ch'i na saja betg stà pli blers, quai saja schon in pau frustrant, ha manegià Zanin.
Igl è stà l'ediziun da giubileum da 10 onns per l'Indoor Festival, e suenter ina pausa da 11 onns. Il futur dal festival vegnia discutà en intginas emnas, cura che tut ils quints sajan pajads ins ins haja la survista.
