Siglir tar il cuntegn

Header

cuntegn

Mustér Terrassas en il territori da skis carmalan la glieud

Avant l’ustaria dal Cuolm da Vi è ina ritscha cun maisas e bancs. Questa ritscha è serrada giu cun ina binda, ed in placat avertescha ch’i saja scumandà da seser.

audio
Seser sin terrassas en territoris da skis – la glieud giauda vinavant quai
ord Actualitad dals 29.03.2021.
laschar ir. Durada: 1 minuta 42 Secundas.

Giasts duain surpigliar responsabladad

Sin il placat è scrit ch’i saja scumandà il mument da seser sin terrassas, e ch’ins possia vegnir chastià. Skiunzas e cutgnists enconuschan quest scumond, mo tuttina sesa la glieud giu. Sco il directur da las Pendicularas da Mustér Stefan Arnold di , fetschian els attent a quest scumond e serrian giu maisas e bancs. Els quintian dentant ch’ils giasts surpiglian responsabladad. E sch’insatgi cuntrafetschia a la lescha stoppia el sez savair quai. E la finala na possian els betg metter davent tut las maisas ed ils bancs.

Quests bancs e questas maisas pon ins bain laschar là, e marcar.
Autur: Stefan Arnold Directur Pendicularas da Mustér
audio
Seser sin terrassas en territoris da skis – tge ch’ils responsabels din
ord Actualitad dals 29.03.2021.
laschar ir. Durada: 1 minuta 53 Secundas.

Confidenza en las fatschentas

La vischnanca saja obligada da far las controllas necessarias, di il president communal da Mustér René Epp. Mo la finala saja mintgin era responsabel da resguardar las reglas.

La vischnanca ha dentant era ina tscherta confidenza en las fatschentas, ch’i sa tegnan vid las reglas.
Autur: René Epp President communal da Mustér
In text che fa avis sin in scumond da seser.
Legenda: L'admoniziun ch'igl è scumandà da seser sin terrassas. RTR, Hubert Giger

Impurtant saja era da laschar reger il saun giudizi, perquai che las pendicularas stoppian purtar in grev burdi finanzial, manegia René Epp.

RTR actualitad 07:00

Artitgels legids il pli savens