Ils trens tranter Sedrun ed Andermatt curseschan puspè. Quai suenter che la lingia è stada interrutta pervi d'in problem tecnic pervi da las navaglias.
Sin tut ils pass grischuns èsi actualmain da quintar cun naiv. Per transportar l'auto tras il tunnel dal Vereina èsi da quintar cun in temp da spetga da mintgamai ina mes'ura. Quai tant a Sagliains sco er a Selfranga.
Colonnas al Gottard
Tgi che vul viagiar en il sid, dovra oz pazienza davant il tunnel dal Gottard: Al portal nord tranter Erstfeld e Göschenen è la colonna actualmain 6 kilometers lunga. Igl è da quintar cun radund 1 ura dapli temp da viadi. Quai ha communitgà il TCS.
L'aura pli miaivla e bella en il sid attira para blera glieud. Plinavant han en il chantun Turitg cumenzà las vacanzas da primavaira. Quai procura per anc dapli traffic envers sid.
Il servetsch da traffic recumonda da guntgir via l'autostrada A13 sin la ruta dal San Bernardino. En consequenza èsi er da quintar sin las vias grischunas cun colonnas pli lungas en il decurs dal di. Colonnas datti er al post da cunfin a Chiasso.
Adattà al tema
