Notg lunga da las baselgias - In vast program, dentant paucas visitadras e visitaders a Glion
Venderdi saira ha gì lieu la «Notg lunga da las baselgias». Ina saira che las baselgias sa preschentan cun in program vast. Uschia era la baselgia refurmada da Glion. L'interess da la populaziun n'è dentant betg stà uschè grond.
En la citad veglia da Glion han giuven e vegl pudì sa participar ad in vast program che la baselgia ha planisà. Davent da las 17:00 enfin las 23:00 è trasora girà insatge. Malegiar, chantar, tadlar concerts, guardar in teater, far qi gong, preleger texts e tut il temp han ins pudì sa servir al buffet.
1 / 11
Legenda:
Bunamain duas uras han ils uffants malegià vi da la bandiera.
RTR
2 / 11
Legenda:
Maletgs dals uffants ch'èn stads l'inspiraziun per il grond maletg sin la bandiera.
RTR
3 / 11
Legenda:
L'artist Sandro Duque porta ensemen cun ils uffants la bandiera en la baselgia.
RTR
4 / 11
Legenda:
Sandro e Carmen Duque ensemen cun ils uffants che han malegià la bandiera.
RTR
5 / 11
Legenda:
Il teater «Rosaspina» da l'Uniun dramatica Churwalden.
RTR
6 / 11
Legenda:
La mussadra Rosita Valaulta (en alv) e las 8 participantas vi da far qi gong.
RTR
7 / 11
Legenda:
Il buffet cun mangiativas e bavrondas gratuitas.
RTR
8 / 11
Legenda:
In buffet vast.
RTR
9 / 11
Legenda:
Concert dal duo «Wilderbluescht».
RTR
10 / 11
Legenda:
Tut las visitadras e visitaders, sco era autras persunas involvidas, davant la baselgia refurmada.
RTR
11 / 11
Legenda:
Hans Jakob Riedi – il plevon refurmà da Glion.
RTR
Las organisaturas ed ils organisaturs han dà gronda bregia. Dentant n'è la populaziun betg arrivada en roschadas. Bleras persunas che han visità las singulas occurrenzas èn sezzas stadas engaschadas en il rom da la «Notg lunga da las baselgias» a Glion.
La finala èsi la qualitad che quinta e betg la quantitad. Sch’ins po era be far plaschair a paucas persunas, han ins cuntanschì la finamira.
E gliez è gartegià a la plaiv. Giuven e vegl han giu grond plaschair dal program e da la purschida. Il comité d'organisaziun veglia uss en mintga cas ir sur ils cudeschs per guardar tge ch'els pudessan midar per motivar tar la proxima ediziun dapli persunas da sa participar a la «Notg lunga da las baselgias».
