audio
Il nov cudesch da Arnold Spescha «Sinzurs el serein dalla sera»
ord Actualitad dals 20.01.2024.
Maletg: RTR
laschar ir. Durada: 5 minutas 12 Secundas.
Dapi 50 onns scriva l'autur Arnold Spescha diari. Dapi lura cun il medem stilograf en blau azur. Tut quai che fatschenta el, chatta la via da la tinta sin il palpiri.
Jau scriv diari per retegnair il temp. Quel passa pli e pli spert, ma cun scriver poss jau franar in zic il temp.
En ses diaris naschan savens era poesias. Igl è gia il terz cudesch da poesias che l'um dad 82 onns preschenta. Suenter la musica e l'aura è ussa la lingua il tema principal: «Sinzurs el serein dalla sera» sa numna la nova ovra da l'autur che viva a Cuira.
Il cudesch tematisescha era l'atun da la vita. Cun poesias sco «tschocs» ubain «suords» er il burdi dals onns vivids.
Mia poesia preferida ha num «viers sera». Ella mussa che jau sun conscient da questa nova spassegiada da la vita che va vers saira, ed jau sun cuntent cun ella.
