OAL decida fin matg....
Il pli baud la fin matg vegnia decis sche l’Open Air Lumnezia ha lieu quest onn u betg. Quai ha confermà Catia Tschuor, pledadra da medias dal Open Air Lumnezia. Sch’i na dettia nagins decrets surordinads da las autoritads lura na dettia il mument nagin motiv da decider gia oz, declera Catia Tschuor vinavant. Il pli grond open air dal grischun avess lieu la fin dals 23 fin ils 25 da fanadur. La 36avla ediziun è preparà e la prevendita è terminada gia dapi il mez da favrer.
... ed operaviva la fin d'avrigl
Sche la operaviva a Sursaissa (premiera da «Semiramide» ils 31-07-2020) po vegnir preschentada quest onn vegnia decis la fin avrigl, ha declerà Roman Benker, il manader da project operaviva. Il cas ch’ins na pudess betg far quest onn l’opera a Sursaissa veglian ins spustar quella sin l’onn che vegn.
Normalmain datti mintga dus onns ina opera a Sursaissa.
Per tadlar curt e concis:
