Open Air Stussavgia - Il festival pitschen da gronda muntada per la val

La stagiun d'open airs ha cumenzà. Ina versiun pli pitschna da quels ha gì lieu questa fin d'emna en la Val Stussavgia – l'«Open Air Safiental»

Studahüschiwald

En ina largia amez il guaud è installà l'infrastructura per il festival. Enturn 500 persunas visitan mintg'onn l’occurrenza che vegn organisada da l'uniun da giuventetgna.

1 / 8

2 / 8

3 / 8

4 / 8

5 / 8

6 / 8

7 / 8

8 / 8

Per l'emprima giada sin in palc d'Open Air

Per la band da rock rumantsch «Petta pagada» è il concert ad in Open Air stà ina premiera. La preparaziun è stada sco adina, dentant il di da la preschentaziun betg sco usità.

Nus essan stads qua gia l'entir di ed avain pudì tadlar autras bands e stils da musica. Quai n‘è uschiglio betg il cas.

audio

«Petta pagada» curt avant il concert

02:29 min, ord Actualitad dals 22.07.2024. Maletg: RTR

laschar ir. Durada: 2 minutas 29 Secundas.

Pitschen festival da gronda muntada

Per la Val Stussavgia è l'open air da gronda muntada. Uschia emprovan ils organisaturs da resguardar tar las cumpras da material las fatschentas indigenas.

Quai è ina da las grandas occurenzas en la val. Bleras persunas gidan sco voluntaris. Blers turnan per visitar il festival mintg'onn e quai è fitg bel.

audio

Muntada d'in festival pitschen

02:46 min, ord Actualitad dals 22.07.2024. Maletg: RTR

laschar ir. Durada: 2 minutas 46 Secundas.