Open Airs en Svizra - Fusiunar per cumandar ils festivals - Novitads

Open Airs en Svizra Fusiunar per cumandar ils festivals

Las firmas «abc Production AG», «Gadget Entertainment AG» e «Wepromote» fusiuneschan tar il pli grond organisatur da concerts en Svizra.

Autur: Patrick Capaul

Ils motivs per la pli nova fusiun en il business da concerts sajan ina concentraziun da la purschidas sco era spazi per novas nischas. Tar la nova «Gadget ABC Entertainement Group» tutgan tranter auter il Greenfield Festival, l’Open Air Frauenfeld e l’Open Air Son Gagl sco era il Ticketcorner.

La firma tudestga «CTS Eventim» surpiglia 60% da las aczias. Vusch criticas ord la fiera da concerts en Svizra discurran da cundiziuns da monopol. Tge effect savess questa fusiun avair per l’avegnir da l’Open Air Lumnezia?