Siglir tar il cuntegn

Header

Greina
Legenda: La Greina sa chatta en la zona centrala dal Parc Adula. Keystone
cuntegn

Parc Adula Il parc

Il Parc Adula daventass il pli grond parc naziunal da la Svizra. Cifras e fatgs.

Carta geografica dal parc.
Legenda: La carta mussa tge territori che duai daventar parc. mad

Il parc en cifras

  • surfatscha: 1230 km2
  • surfatscha zona da centrala:145 km2
  • vischnancas: 17; Acquarossa, Blenio, Buseno, Calanca, Disentis/Mustér, Lumnezia, Medel/Lucmagn, Mesocco, Nufenen, Rossa, Serravalle, Soaza, Spleia, Sumvitg, Trun, Val, Valragn
  • abitants: ca. 16'000
  • pli bass punct: 397 m. s. m.
  • pli aut punct: 3402 m. s. m.

Indicaziuns ord: parcadula.ch

La fasa d’erecziun dal parc 2000-2016

  • 2000: Fundaziun da l’emprima gruppa da promoziun per il parc.I vegn sudà l'incumbensa da far in studi davart la realisabladad per in parc.
  • 2007: Studi davart la realisabladad dad in parc vegn approvà da la confederaziun.
  • 2008: L'uniun Parc Adula vegn fundada
  • 2010 La Rait dals parcs svizzers da l’Uffizi federal d'ambient renconuscha il Parc Adula sco candidat per daventar in parc naziunal. Vinavant vegn avert in secretariat e Stefano Quarenghi daventa directur dal Parc Adula. I vegn era definì ils commembers da la direcziun.
  • 2011: I vegn cumenzà cun la fasa d’erecziun dal parc.
  • 2014: Martin Hilfiker daventa nov directur dal Parc Adula. Ils resultads d’ina retschertga fatga entras l’Institut federal per la perscrutaziun da guaud, naiv e cuntrada (WSL). Quel mussa che la populaziun en las vischnancas talianas han ina opiniun plitost positiva envers, entant che las vischnancas rumantschs èn plitost criticas.
  • 2016: Fin la fin da schaner ha cuzzà la consultaziun da la charta dal parc. Las propostas e remartgas inoltradas e la charta èn vegnidas actualisads. L’entschatta october han ils responsabels dal Parc Adula preschentà la charta definitiva. Suenter la consultaziun è quai la versiun finala, da la quala las vischnancas han da votar.

Proxims pass

Sin basa da questa charta han ils abitants da las vischnancas pertutgadas da votar ils 27 da november 2016.

Artitgels legids il pli savens