Siglir tar il cuntegn

Header

cuntegn

Pass dal Lucmagn Via sur il Lucmagn puspè averta

Las lavurs da siglientar il grip sin la via dal pass dal Lucmagn, èn pli pretensiusas che pensà. Perquai era la via dal pass stada serrada fin sonda mezdi, quai ha communitgà l'Uffizi da construcziun bassa.

Siglientà il grip ina segunda giada

Ils ultims dis èsi vegnì siglientà ina segunda giada il grip, quai en ina dimensiun da radund 500 meters cubics. Ils 13 da zercladur era grippa e crappa vegnida giu en via. Perquai è la via vegnida serrada. Glindesdi avant in'emna han ins lura stuì siglientar il grip, sco Geni Duff da l’Uffizi da construcziun bassa dal Grischun ha ditg.

audio
Lucmagn è stà parzialmain avert – privel resta dentant
02:18 min, Actualitad dals 24.06.2021.
laschar ir. Durada: 02:18 minutas.

Costa è en moviment

Dapi blers onns è la costa tranter il mir dal lai da fermada e la galaria sur il pass en moviment. Ins vesia dapertut sfendaglias, l’aua e la naiv hajan schluccà grippa e crappa, declera Geni Duff. Perquai fetschian els regularmain controllas cun guids da muntogna. Ed era il mir dal lai vegnia controllà.

Ina via cun sulet in vial avert.
Legenda: Mo in vial è avert. RTR, Hubert Giger

E per garantir la segirtad, suenter che la via sur il Lucmagn è puspè averta, hajan els montà reflecturs vi dal grip. E vitiers mesirian els mintg’ura ils moviments.

RTR actualitad 17:00

Artitgels legids il pli savens

Scrollar a sanestra Scrollar a dretga