Siglir tar il cuntegn

Header

Pendiculara Vali Sezner
Legenda: MAD
cuntegn

Pendicularas Surselva Dà in sguard enavos ed in enavant

Temperaturas bassas, avunda naiv, bell’aura il dretg mument e la situaziun da corona. Quels facturs han manà ad in fitg bun resultat per las pendicularas da la Surselva l'onn passà. Uschia han las interpresas en Surselva pudì nudar in augment tar la svieuta da 30% e tar ils giasts in augment da 20%. Il dumber da bigliets «Surselva Pass» ha l'onn passa pudì vegnir augmentà. Alura avevan passa 700 persunas cumprà la carta da far diever da tut las pendicularas en Surselva.

L'influenza da la guerra en l'Ucraina per la proxima stagiun

Per la proxima stagiun quintan las pendicularas cun in augment tar il pretsch d'electricitad e tar il carburant. La raschun saja la guerra en l'Ucraina. Tenor Markus Good, il president da l'uniun da las Pendicularas Surselva, augmentan ils custs per la gestiun. Plinavant han era las pendicularas da cumbatter cun la mancanza da persunal.

Markus Good, il president da l'uniun da las Pendicularas Surselva
Legenda: Markus Good, il president da l'uniun da las Pendicularas Surselva RTR, Reto Pfister
audio
Per tadlar curt e cumpact
ord RTR Audio dals 01.07.2022.
laschar ir. Durada: 58 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga