Pendicularas Val vulan nov sistem da finanziaziun

Il giast cumpra a la cassa u ozendi era magari online ina carta dal di u in abunament per pudair ir cun skis, quai è il model usità. A Val vul ins midar quai. Il manaschi da las pendicularas duai vegnir finanzià per gronda part entras taxas, contribuziuns e taglias.

pendicularas da Val cun duas gondlas Bild in Lightbox öffnen.

Legenda da maletgs: Las pendicularas Val vulan ir ina nova direcziun tar la finanziaziun. MAD

Radund 1,5 milliuns francs dovran las pendicularas da Val per segirar il manaschi durant la stad e l'enviern. Quests daners duain en il futur vegnir generads cun pajaments da taglias e contribuziuns dal commerzi, dals possessurs d’abitaziuns, dals indigens e dals giasts. Finamira n’è dentant betg d’auzar las entradas, mabain da pudair cuvrir ils custs da manaschi.

purtret Maurus Tomaschett Avrir maletg en lightbox.

Legenda da maletgs: Il directur da las pendicularas Maurus Tomaschett vul ina midada tar la finanziaziun dal manaschi. RTR

«  Inventar da nov il turissem na pon ins betg, inventar da nov models da finanziaziun da pendicularas quai pon ins. »

Maurus Tomaschett
directur pendicularas Val

Il project per il nov sistem da finanziaziun è ussa sin maisa, respectivamain sin palpiri. Quest atun vegn el lura preschentà a la populaziun. Sche tut va bain, pudess il nov sistem da finanziaziun ir en vigur in onn pli tard.

Manaschi a curta vista segirà

Avant che quai nov concept po vegnir elavurà ed inoltrà, vali da surmuntar la proxima stagiun. Il manaschi da stad ed il proxim enviern vegnan las pendicularas tenor Tomaschett a pudair finanziar. Quai era grazia al credit dad 800’000 francs che la vischnanca da Val aveva concedì a las pendicularas l'avrigl 2016.

RR actualitad 12:00