Siglir tar il cuntegn

Header

cuntegn

Pervi da critica crudada Ju-52 Uffizi federal d'aviatica civila vegn sut la marella

La disgrazia da l'aviun Ju-52 sur Flem avant dus onns pudess avair consequenzas per l'Uffizi federal d'aviatica civila. Quai scriva la «Sonntags-Zeitung». La raschun è critica envers il Bazl tras il Servetsch svizzer d'inquisiziun da segirtad. La critica è da chattar en in sboz dal rapport final sur da la crudada da la Ju-52 sur Flem. Sut la marella vegnia era prendì la lavur generala da l'Uffizi federal d'aviatica civila, hai num. L'examinaziun fa l'Institut d'aviatica dals Pajais Bass.

Cun emprims resultats vegn quintà la primavaira 2021. Il rapport definitiv davart la crudada da la Ju-52 al Piz Segnas sur Flem è da spetgar tenor il Departament federal per traffic l'october.

Tar crudada èn 20 persunas mortas

L'aviun veteran dal tip Junkers Ju-52 era crudà giu ils 4 d'avust 2018. A bord eran 17 passagiers e 3 persunas d'equipa. Vid il vrac han ins chattà sfessas e ruina, che eran dentant betg il motiv da la crudada.

Ord l'archiv

La Junkers 52 – er enconuschenta sut il num «Tante Ju».

RTR novitads 11:00

Artitgels legids il pli savens

Scrollar a sanestra Scrollar a dretga