La votaziun davart l'iniziativa per mantegnair il center da sport Prau la Selva è vegnida spustada pervia dal corona sin ils 29 da november.
Nov termin
La suprastanza communala haja decidì il nov termin da votaziun senza contactar u discurrer cun ils iniziants. La cuminanza d'interess ch'ha inoltrà l'iniziativa n’acceptia betg quella decisiun da la suprastanza. Quai damai ch'il temp dad otg mais nua ch'in'iniziativa stuess vegnir a Flem davant il pievel vegniss uschia surpassà per passa il dubel. Quai ha communitgà la cuminanza. Ella pretenda da la suprastanza da midar il termin fixà per la votaziun e da laschar votar la populaziun da Flem gia ils 27 da settember sur da la iniziativa.
Ord l'archiv
A la radunanza communala è la populaziun critica fruntada sin in president communal optimistic.
