Siglir tar il cuntegn

Header

audio
Glion: Nagins dals 3 candidats n'èn elegids
Or da Actualitad dals 22.08.2022.
laschar ir. Durada: 2 minutas 47 Secundas.
cuntegn

Presidi da Glion Duel tranter Beer e Quinter en il segund scrutini

Las bleras vuschs en l'emprim scrutini per il presidi da Glion ha survegnì l'interprendider Claudio Quinter. Il commember da l'Allianza dal Center ha cuntanschì 569 vuschs. Il pli absolut avess muntà a 766 vuschs.

A mai eri conscient che las vuschs en l'emprim scrutini vegnan ad esser fitg gulivadas.
Autur: Claudio Quinter candidat per il presidi communal da Glion

Il candidat independent, Marcus Beer, ha survegnì 505 vuschs.

Quai è natiralmain in fitg bun resultat. Jau n'avess betg quintà cun in'uschè buna tscherna en l’emprim scrutini.
Autur: Marcus Beer candidat per il presidi communal

Silvio Dietrich da la partida socialdemocrata ha obtegnì 429 ed uschia las paucas vuschs da l'emprim scrutini. Gist suenter ch'ils resultats èn stads enconuschent la dumengia avantmezdi, ha Dietrich laschà sentir ch'el pondereschia da sa retrair. El veglia dentant avant che pigliar ina decisiun anc discurrer cun tut ils involvids.

La dumengia notg ha el lura communitgà via medias socialas retiria el definitivamain sia candidatura per il segund scrutini. El giavischa a Marcus Beer e Claudio Quinter vinavant in bun cumbat electoral en favur dals da Glion:

Il segund scurutini decisiv per l'elecziun dal nov president communal da Glion en successiun da Carmelia Maissen ha lieu il mais proxim, ils 25 da settember 2022.

La constituziun da la vischnanca da Glion lascha avert tut las opziuns per il segund scrutini. Uschia èsi era pussaivel che novs candidats u novas candidatas pon s’annunziar per il presidi communal.

RTR novitads 12:00

Artitgels legids il pli savens

Scrollar a sanestra Scrollar a dretga