La radunanza communala da Lumnezia ha approvà venderdi saira il preventiv da l’onn 2024 unanimamain. Tar expensas da bunamain 18 milliuns francs prevesa quel in deficit da 427’000 francs. Il pe da taglia resta tar 90% da la taglia chantunala simpla.
Plinavant han las Lumnezianas ed ils Lumnezians decis da betg prolungar las concessiuns cun las Ovras Electricas Zervreila. Ultra da quai ha il suveran approvà il project per sanar il stgaudament dal center communal a Degen ed ha concedì per quest intent in credit da 200’000 francs.
