Siglir tar il cuntegn

Header

cuntegn

Radunanza communala Rendaquint 2020 positiv per Sursaissa Mundaun

La radunanza communala da Sursaissa Mundaun ha approvà il quint communal da l'onn passà. Quel serra cun in surpli da 342’970 francs. Quai tar entradas da 13,6 milliuns francs. Il quint favuraivel deriva cunzunt d'entradas supplementaras tar las taglias. Il capital agen da la vischnanca è creschids per var 1,4 milliuns francs sin nov 24’077’415 francs.

Gea a dus credits

Plinavant han ils da Sursaissa ditg Gea a duas dumondas da credit: Per l’ina a 929'000 francs per sanar vias a Flond e per l'autra a 273'000 francs per sanar l'ultima etappa da l’aquaduct Punt da Lumbrein-Miraniga.

Directivas per promover projects d'hotels ed albierts

Ultra da quai han ils preschents approvà directivas per promover projects da hotels ed albierts cun letgs economisads. La directiva nova lubescha a la vischnanca da dar ad interessents contribuziuns da 3 fin 5% da la summa d’investiziun. Tochen ina summa da 200’000 francs po la suprastanza decider, silsuenter è la radunanza communala cumpetenta. La nova directiva entra en vigur l'emprim da fenadur 2021.

RTR novitads 06:00

Artitgels legids il pli savens